माओवादी केन्द्रं सरकार गठनया नितिं कांग्रेस व जनता जसपालिसे याकनं हे वार्ता न्ह्याकेगु
सिल्लागा एकादशी ११४१, फागुन २५ मंगलवाः
![](https://www.lahananews.com/sites/default/files/maobadi-kendra-0ffice-perisdanda.jpg)
नेपाल कम्युनिण्ट पार्टी माओवादी केन्द्रं सरकार गठनया नितिं कांग्रेस व जनता समाजवादी पार्टी (जसपा) लिसे याकनं हे वार्ता न्ह्याकेगु निर्णय याःगु दु ।
सर्वोच्च अदालतं नेकपा एमाले व माओवादी केन्द्रया पूलाँगु हे थासय् थ्यंकाबिइधुंका च्वंगु माओवादी केन्द्रया मुँज्याया न्हापांगु स्थायी समिति बैठकं सरकार गठनया नितिं कांग्रेस व जसपालिस सहलह यायेगु निर्णय याःगु खः ।
बैठकं प्रधानमन्त्री केपी शर्मा ओलीयात बिउगु समर्थन लितकायेगु बारे धाःगु छुं नं निर्णय याःगु मदु । बैठकलिपा नेता नारायणकाजी श्रेष्ठं दुई तिहाइया सरकार दयेका समाजवादया लिधंसा दयेकेगु ह्वःता त्वःफिकूगु धयादिल ।
माओवादी केन्द्रं चैत १ गते कार्यकता भेला यायेत्यंगु दु । श्रेष्ठं निर्वाचन आयोग व सर्वोच्च अदालतं माओवादी केन्द्र व एमालेयात छथाय् हयेगु मखुसे थःपिन्सं हे छधी जुइगु कि त्वाःथलेगु खः धयादिल ।
मुँज्यां वइगु २९ गते केन्द्रीय कमिटी बैठक सतेगु नं निर्णय याःगु दु ।
Categorized in राजनीति