न्हूगु समीकरण मजुतले माओवादी केन्द्रं सरकारयात बियातःगु समर्थन लितमकाइगु
लहनान्यूज | सिल्लागा द्धादशी ११४१, फागुन २६ बुधवाः
![](https://www.lahananews.com/sites/default/files/SAM_0014.jpg)
नेपाल कम्युनिष्ट पार्टी (माओवादी केन्द्र) न्हूगु समीकरण मजुतले सरकारयात बिउगु समर्थ लितमकाइगु जूगु दु ।
पार्टीया ज्याकू पेरिसडाँडाय् थौं च्वंगु माओवादी स्थायी कमिटिइा बैठकय् प्रधानमन्त्री केपी शर्मा ओलीयात बिउगु समर्थन लितमकायेगु निर्णय याःगु छम्ह स्थायी कमिटिया दुजःलं जानकारी बियादिल ।
माओवादी केन्द्रं सरकारयात बिउगु समर्थन लितमकासे संसदय् सत्तापक्षलिसे हे च्वनेगु रणनीति दयेकूगु दु । सर्वाेच्च अदालतं नेकपा खारेप याना माओवादी केन्द्रयात म्वाकाब्यूसेंलि बुधबार संसदय् एमालेलिसे अलग्ग च्वनेमाःगु खः ।
माओवादी केन्द्रं न्हूगु सरकार निर्माण्या नितिं नेपाली कांग्रेस व जनता समाजवादी पार्टी लिसे अझ सहलह यायेगु निर्णय नं याःगु दु ।
मुँज्याय् नायः पुष्पकमल दाहाल प्रचण्डं म्हिगः कांग्रेस सभापति शेरबहादुर देउवा व जसपाया नेता डा. बाबुराम भट्टराईलिसें नं नापलानादीगु खः ।