सिटीं ब्राइटनयात १–० बुकल
लहनान्यूज | पोहेलाथ्व पारु ११४१, माघ १ बिहीवाः
![](https://www.lahananews.com/sites/default/files/mancity.jpg)
इंग्लिस प्रिमियर लिग फुटबलय वंगु चान्ह्य म्यान्चेस्टर सिटीं ब्राइटनया १–० बुकूगु दु ।
थःगु ख्यलय् जूगु कासाय् म्यान्चेस्टर सिटीयात त्याकेत फिल फोडेनं ४४गू मिनेटय् निर्णायक गोल याःगु खः ।
थुगु कासालिपा ल्याः धलखय् स्वंगूगु थासय् थहाँवंगु म्यानचेस्टर सिटीया १६गू कासां ३२गू ल्या दयेकूगु दु । सिटीया दक्व कासायाना १४गू कासा त्यायेत ताःलागू खः ।
प्रिमियर लिगया हे मेगु कासाय् टोटनह्याम हट्सपर व फुल्हमं १–१ गोलया ज्वलिंज्वया कासा म्हितुगू दु ।
टोटनह्यामया ह्यारी केनं न्हापांगु गोल याःगु खः धासा फुल्हमया इभाँ क्याभेलेइरों नं छगू गोल यासेंलि १–१गू गोलया ज्वंलिज्वः जूगु खः ।
Categorized in कासा