म्यान्चेस्टर युनाईटेडयात बुकाः लेष्टर सिटी एफए कपया सेमिर्फाइनलय्, शेफिल्डयात बुकाः चेल्सी लिपांगु प्यंगूगुलिइ
चिल्लाथ्व नवमी ११४१, चैत्र ९ सोमबाः
![](https://www.lahananews.com/sites/default/files/40751502-9380881-United_struggled_to_break_the_blue_wall_in_front_of_Kasper_Schme-a-11_1616353064587.jpg)
चेल्सी व लेष्टर सिटी एफ.ए कप फुटबलया सेमिफाइनलय् दुहाँवंगु दु । वंगु चान्हय् जूगु क्वाटरफाइनल कासाय् म्यान्चेस्टर युनाईटेडयात ३–१ गोलं बुकाः लेष्टर सिटी सेमिफाइनलय् दुहाँवंगु खः ।
थःपिनिगु हे मैदानय् जूगु कासाय् लेष्टरयात त्याकेबीत केलेची इहिनाचों निगोल अले युरी टिलेमन्सं छगोल याःगु दु । बूगु पुचः म्यान्चेस्टर युनाईटेडया मेसन ग्रिनउडं छगोल याःगु खः ।
वंगु चान्हय् हे जूगु कासाय् शेफिल्ड युनाईटेडयात २–० गोलं बुकाः चेल्सी न सेमिफाईनलय् थ्यन । कासाय् चेल्सीया नितिं हकिम जिएचं छगोल याःबलय् शेफिल्डया ओलिभर नरवुडं छगोल आत्माघाति गोल याःगु खः ।
चेल्सीं आः सेमिफाईनलय् म्यानचेस्टर सिटीनाप म्हिती । धेंधेंबल्लाया निगूगु सेमिफाइनल कासा लेष्टर सिटी व साउथह्याम्पटनदथुइ जुइ ।
Categorized in कासा