प्रिमियर लिग फुटबलय् लेष्टर सिटी निगूगु थासय्
राम डंगोल | पोहेलाथ्व चौथी ११४१, माघ ४ आइतवाः
![](https://www.lahananews.com/sites/default/files/leister.jpg)
इंग्लीश प्रिमियर लिग फुटबलय् साउथह्याम्पटनयात बुकाः लेष्टर सिटी निगूगु थासय् थ्यन ।
वंगु चान्हय् जूगु कासाय् साउथह्याम्पटनयात २–० गोलं बुकेत लेष्टरया जेम्स म्याडिसन व हार्भे बार्न्सं छगोल छगोल याःगु दु ।
प्रिमियर लिगया मेगु कासाय् चेल्सीं फुल्हमयात १–० गोलं बुकल । १०म्ह कासामिइ लिकूंगु फुल्हमविरुद्ध चेल्सीयात त्याकेबीत मेसन माउण्टं निर्णायक गोल याःगु दु ।
वंगु चान्हय् वेष्ट ह्याम युनाईटेडं बर्न्लेयात १–० गोलं बुकूबलय् वेष्ट ब्रोमं वुल्भरह्याम्पटन वान्डरर्सयात ३–२ गोलं बुकूगु दु ।
ब्राइटनं लिड्स युनाईटेडयात १–० गोलं बुकूगु दु । इंग्लीश प्रिमियर लिग अन्तर्गत वंगु चान्हय् जूगु १७गु कासापाखें ३६गु ल्या मुंकाः म्यान्चेस्टर युनाईटेड शिर्ष थासय् थ्यंगु दु ।
छगु कासा उप्वः म्हितूगु लेष्टर सिटीया ३५गु ल्या दु । थ्वनाप सिटी निगूगु थासय् थ्यन । स्वंगूगु थासय् दुगु लिभरपुलया ३३गु ल्या दु ।
Categorized in कासा