नेपाःया निजी विमान ल्हासाय् परीक्षण उडान
डंगोल | पोहेलाथ्व षष्ठी ११४१, माघ ६ मंगलवाः
![](https://www.lahananews.com/sites/default/files/himalyan.jpg)
नेपाःया निजी लगानी दूगु अन्तर्राष्ट्रिय वायुसेवा कम्पनी हिमालय एयरलाइन्सं चीनया ल्हासाय परीक्षण उडान याःगु दु ।
मंगलबार सुथसिया ७ ताः ईलय् ल्हासाया लागि जहाज ब्वःगु कम्पनी न्ह्यथंगु दु ।
ल्हासाया विमानस्थल संसारया हे दकले तज्जाःगु अन्तर्राष्ट्रिय विमानस्थल धाई ।
सुथांलाक्क परीक्षण उडान यायेधुंका लिपा थ्वःहे रुटय् उडानया योजना दूगु कम्पनी धाःगु दु ।
सुथय् त्रिभुवन विमानस्थलं ब्वःगु जहाज ल्हासागोंगर अन्तर्राष्ट्रिय विमानस्थलय् सुथसिया १०ः४६ ताः ईलय् अवतरण याःगु खः ।
थ्वः जहाज ल्हासां स्थानीय ई कथं सनिलया ३ ताः ईले ब्वई । येँ उगु विमान २ ताः ईलय अवतरण याइगु जुई ।
ल्हासा हे उडानया नितिं उगु विमान ए ३१९–११ न्यारोबडी जहाज परीक्षण उडान याःगु खः ।
उगु जहाजय् १२०गू इकोनोमी व ८गू विजिनेस क्लास सिट दु । जहाज अधिकतम १४द्व व ५००गू फिटतक्क एअरोड्रम तक्क न्ह्याकेफइगु कम्पनी न्ह्यथंगु दु ।
ल्हासा विमानस्थल ३,५७० मिटर अर्थात् ११ हजार ७११ फिट उचाइखय् दु ।