महाकुम्भ मेलाय् ब्वति कायेया नितिं राजदम्पत्ति हरिद्वारा झाल
लहनान्यूज | चिल्लागा द्वादशी ११४१, चैत्र २६ गते, विहीबाः
![](https://www.lahananews.com/sites/default/files/Former-King-Gyanendra-5.jpg)
पुलाँम्ह जुजु ज्ञानेन्द्र शाह व कोमल शाह भारतया हरिद्वारय जुइगु महाकुम्भ २०२१ य् ब्वति कायेया नितिं विहीबा दिल्ली झाःगु दु ।
सन्यास परम्पराया सर्वाेच्च पदधारी निरञ्जन पीठाधीश्वर आचार्य महामण्डलेश्वर स्वामी केलाशानन्द गिरीया ब्वनाय् पुलाँम्ह राजदम्पत्तिया हरिद्वारा यात्रा जुइत्यंगु महाकुम्भ ग्वसाखलकं धयादिल ।
“महाकुम्भ २०२१ हरिद्वार सनातन परम्पराय् सर्वाेच्च लिसें सर्वाेत्तम महापर्व महाकुम्भ जूगु व छि हिन्दू सम्राट एवम् हिन्दू जुजु जुयादीगुलिं चैत्र ३० गते क्वचाइगु शाही स्नानय् वय्कया ब्वति दयेमा धइगु प्रवल इच्छा” आचार्य महामण्डलं प्वंकादिगु दु ।
उगु दिं पुनित सलिला माता गंगाय् स्नान याना भारतवर्षया उत्कृष्ट ऋषि मनीषिलिसें आर्शिवाद ग्रहण याना नेपाः देय्या कुशलताया लागि आशिष कायेत नं वय्कलं जुजुयात इनाप यानादीगु दु ।
ल्हाचिं च्वयातःगु ब्वनापौलय् “राज थःहे देवस्वरुप जूगु मान्यता हिन्दूपिन्के दूगु व छिकिपिंके देवाधिदेव महादेव पशुपति भगवानया अपार कृपा दूगु” धकाः नं न्ह्यथनातःगु दु ।