खड्गप्रसाद ओली भ्वँया बादशाह खः, नेतृ रामकुमारी झाँक्री
लहनान्युज | पोहेलागा चतुर्दशी ११४१, माघ २८ बुधवाः
![](https://www.lahananews.com/sites/default/files/default_images/default-image.jpg)
नेकपा प्रचण्ड–माधव समूहया नेतृ रामकुमारी झाँक्री न राष्ट्रपति विद्यादेवी भण्डारीयात सन्की प्रधानमन्त्री केपी शर्मा ओलीया प्यादा जुगु द्धपः बियादीगु दु ।
प्रतिनिधिसभा विघटनया विरोधय् प्रचण्ड–माधव समूह नं थौं बुधवाः येँ याःगु आमसभाय् नेतृ झाँक्री न राष्ट्रपति थे जाःगु सम्माननीय संस्था थःपिन्स बलिदानी हयाःगु व उगु संस्थाविरुद्ध न्ववायेगु दुस्साहस मयानगु धका धयादीगु खः। सू न व्यक्ति निर्वाचनया प्रक्रियापाखे संस्थाय् वना निरंकुशताया साक्षी च्वगु, छम्ह प्यादा जुया अज्याम्ह पात्रविरुद्ध न्ववाये दइ’ वयकलं धयादी, ‘छम्ह खलपात्रविरुद्ध न्ववायेगु झ्वलय् सू ना धाइ मिसाया अस्मिता मिचे यात?’ ‘मिसा या अस्मिता ला उगु इलय् बलात्कृत जूगु दु, गुगु इलय् निर्मला पन्त, भागरथी भट्ट थे मचापि बलात्कृत जुगु खः, ।
उमिगु हत्या जुगु दु।’ नेता झाँक्री न प्रधानमन्त्री ओली भ्वँया बादशाह जुगु धका धयादीगु दु । बादशाहपि कमजोर वनकि भ्वँया तधःपि बुख्याँचा दयेकेगु जुइ धका धयादीसे वयकलं, ‘खड्गप्रसाद ओली भ्वँया बादशाह खः, व ढले जुल, घोषणा जुइ ल्यदनिइ।’ थःपिन्स व्यक्तियात मखु ओली प्रवृत्तिया विरोध यानागु खः वयकलं पार्टीया वइगु दिं थज्यागु प्रवृत्ति जन्म जुइके मबित प्रतिवद्धता प्वकेत नेतापिन्त इनाप यानादगु दु।
Categorized in राष्ट्रिय