युरोपियन सुपर लिग फुटबलपाखें इंग्लीश क्लबत पिहांवन
चौलाथ्व नवमी ११४१,बैसाख ८ बुधवाः
![](https://www.lahananews.com/sites/default/files/16189560306425.jpg)
इंग्लीश फुबटल क्लबत प्रस्तावित युरोपियन सुपर लिग फुटबलपाखें पिहांवंगु दु ।
विश्व फुटबलया सर्वोच्च निकाय फिफा व युरोपेली फुटबल महासंघ युएफां थुगु धेंधें बल्लाः म्हितीपिं कासामितय्त विश्वकप लिसेंया धेंधें बल्लाखय् म्हिते मबीगु चेतावनी बीधुंकाः इंग्ल्याण्डया दक्वं ६ टोली सुपर लिगं लिहांवंगु खः ।
थ्वयां न्ह्यः इंग्ल्याण्डया शिर्ष ६ टोली म्यान्चेस्टर सिटी, म्यान्चेस्टर युनाइटेड, चेल्सी, लिभरपुल, आर्सनल व टोटनह्याम हट्सपरं युरोपियन सुपर लिग म्हितेगु धाःगु खः । तर प्रस्तावित धेंधें बल्लाःया सकभनं आलोचना जुइधुंकाः थुगु क्लबत लिज्याःगु खः ।
युरोपया १२ क्लबं आइतबाः जक हे थःगु नेतृत्वय् च्वनीगु कथं युरोपियन सुपर लिग घोषणा याःगु खः । न्हूगु धेंधें बल्लाःया संस्थापक क्लबय् प्रिमियर लिगया ६ टोलीलिसें स्पेनपाखें बार्सिलोना, रियाल मड्रिड व एट्लेटिको मड्रिड अले इटालीपाखें युभेन्ट्स, इन्टर मिलान व एसी मिलान दु ।
इंग्लीश क्लबतय्सं नां लित काःगुलिसें सुपर लिगया भविष्य संकटय् लाःगु दु ।
Categorized in कासा