मौलिक हक अधिकारया नितिं आन्दोलन यायेत इनाप
सिल्लाथ्व पारु ११४१, फागुन माघ ३० शुक्रवाः
![](https://www.lahananews.com/sites/default/files/thumb_0.jpg)
नेकपाया दाहाल नेपाल पुचलं नायः पुष्पकमल दाहाल ‘प्रचण्ड’ व माधवकुमार नेपालं सरकारया लिपांगु ज्याझ्वलं तामाङ व शेर्पा समुदायया अधिकार लिकुंकेगु प्रयास जूगु धासें आन्दोलित जुइत आह्वान यानादिल ।
थांैं दाहाल व नेपालं तामाङ समुदायया सोनाम ल्होसार व शेर्पापिनिगु ग्याल्बो ल्होसारया लसताय् भिन्तुना देछासें असंवैधानिक पलाया विरुद्ध आन्दोलित जुईगु विकल्प मदुगु धयादिल ।
लिपांगु घटनाकथं सरकारं उत्पीडन लाःपिं जाति, क्षेत्र व लिङ्गया जनताया मौलिक हक अधिकार लिकूंकेगु दुष्प्रयास न्ह्याकूगु नायःद्वयं पितब्वःगु विज्ञप्तीमा न्ह्यथनातःगु दु ।
जनताया त्याग व समर्पणपाखें दूगु अधिकार रक्षाया लागि प्रतिनिधि सभा विघटनया असंवैधानिक पलाः विरुद्ध आन्दोलन यायेत वय्कपिन्स इनाप यानादिल ।
अथेहे नेपाली काँग्रेसया सभापति शेरबहादुर देउवां सोनाम ल्होसार व शेर्पापिनिगु ग्याल्बो ल्होसारया भिन्तुना बिउसें दक्वः नागरिकया बलिदानीं वःगु लोकतन्त्रया रक्षा यायेमाःगु भाला जूगु वय्कलं धयादिल ।
वय्कलं दक्वः धर्म, जाति व संस्कृतिया संरक्षण यायेगु भाला जूगु तकं धयादिल ।