तोखाय् क्रश दु वाथलन जुइगु
लहनान्युज | थिंंलागा त्रयोदशी ११४१, पुस २७ आइतवाः
![](https://www.lahananews.com/sites/default/files/default_images/default-image.jpg)
नेपाल ट्राईयाथलन संघया ग्वसालय् वइगु शनिबाः तोखाय् क्रस दुवाथलन च्यालेन्ज जुइगु जूगु दु ।
नेपाल ट्राईयाथलन संघं कोभिड महामारीं आक्रान्त जुयाच्वंगु अवस्थाय् स्थानिय मनू तय्त क्रियाशिल दय्कु सें कासा मार्फत ल्वय्लिसे ल्वायेगु क्षमता थकायेगु आज्जुं च्यालेन्ज ग्वसाः ग्वय् त्यनागु धाःगु दु । आः ट्रायथलनलिसे आवद्ध कासामि स्वयां न्हूपिं कासामिपिन्त प्राथमिकताये तयाः च्यालेन्ज याये त्यनागु ग्वसाः खलकं न्ह्यथंगु दु ।
च्यालेन्ज येँया तोखा, किपू व यल यानाः स्व थाय् पाक्षिक रुपं छथाय् निक्वः निक्वः स्थानिय निकायलिसे समन्वय यानाः यायेगु व मेथाय् नं कासा जुइगु थाय् निरिक्षण याये धुंकाः च्यालेन्ज ग्वसाः ग्वयेगु संघं धाःगु दु । च्यालेन्जं ताः ई तक्कया लागिं कासामि उत्पादन याय्त व कासामि तय्त कासा प्रति उत्साहित जुइत ग्वाहालि जुइगु संघं न्ह्यथंगु दु ।
संघं स्वनिगलं पिनेया थाय्यात महत्वय् तयाः स्थानिय कासामि उत्पादन, प्रचार प्रसारय् मवःगु थाय् यात न्ह्यःने हयाः आन्तरिक पर्यटन विकासयात तकं ध्यानय् तयाः कासा याना वनेगु आज्जु तःगु दु । ट्रायथलनया विधात मध्ये क्रस दुवाथलन नं छगू खः । क्रस दुवाथलनय् २ दशमलव ५ किलोमिटर दौड, १० किलोमिटर साईक्लिङ्ग व १ दशमलव ५ किलोमिटर दौड जुइगु संघया महासचिव अले ट्राईयाथलनयाबिज्ञ युवराज सुनुवारं धयादिल ।
च्यालेन्ज स्वनिगःया ऐतिहासिक पुलांगु थाय् तोखाया गनेद्यःनिसें चन्डेश्वरी तक्कया थासय् जुइ।
Categorized in कासा