मोटरसाइकल खुया चले याःगु द्धःपनय् छम्हेसित ज्वन
पोहेलाथ्व द्धितीया ११४१, माघ २ शुक्रवाः
![](https://www.lahananews.com/sites/default/files/cc_9.jpg)
महानगरीय ट्राफिक प्रहरी महाशाखां मोटरसाइकल खुया हया चले याःगु द्धःपनय् छम्हेसित ज्वःगु दु ।
उम्ह मनू नुवाकोटया तादी गाउँपालिका वडा नम्बर–६ या २८ दँ दुम्ह अनिल तामाङयात ज्वःगु दु। सादा पोसाकय् खटे जुम्ह ट्राफिक प्रहरीया टोलीं थौं शुक्रवाः बालाजु, बाइसधारापाखे वयात नियन्त्रणय् काःगु खः ।
वास्तविक नम्बर प्लेट हिला मोटरसाइकल चले याःगु अवस्थाय् मोटरसाइकल नाप उम्ह मनूयात ट्राफिक महाशाखाया प्रमुख प्रहरी वरिष्ठ उपरीक्षक जनक भट्टराई न जानकारी बिःगु दु।
येँया रामकोटय् बा ६३ प २६६ नम्बरया ह्याःगू रङया पल्सर मोटरसाइकल तःगु धका महाशाखाय् निवेदन वःगु खः।
ज्वःम्ह तामाङयात माःगु कारबाहीया लागि महानगरीय प्रहरी वृत्त स्वयम्भू छ्वःगु दु।
Categorized in अपराध