माधवकुमार नेपालया संयोजकत्वय् कार्यदल गठन
लहनान्युज | थिंलागा चतुर्थी ११४१, आइतवाः १९ गते
![](https://www.lahananews.com/sites/default/files/madhav-kumar-nepal_8.jpg)
नेपाल कम्युनिस्ट पार्टी (नेकपा) प्रचण्ड–नेपाल समूह न पार्टी एकताया ल्यदनिगु ज्या क्वचायेकेत अध्यक्ष माधवकुमार नेपालया संयोजकत्वय् कार्यदल गठन याःगु दु।
पेरिसडाँडाय् थौं आइतवाः च्वंगु स्थायी कमिटी बैठकं नेपालया संयोजकत्वय् कार्यदल दय्केगु निर्णय याःगु खः । कार्यदलं पार्टी दुने थीथी जिम्मेवारी टुङ्गो लगे यायेगु व एकताया ल्यःदनिगु ज्या पूरा यायेगु जिम्मा बिःगु दु धका प्रवक्ता नारायणकाजी श्रेष्ठं जानकारी बिःगु दु। बैठकय् पार्टी एकीकरणया ल्यदनिगु ज्या पूरा यायेगु, प्रतिनिधि सभा विघटनविरुद्ध घोषित आन्दोलनयात अझ सशक्त दय्केगु लगायतबारे सहलह जुगु धका नेतापिन्स धाःगु दु।
वःगु पुस ५ गने प्रतिनिधि सभा विघटनया घोषणा जुइवं नेकपा निगु समूहय् विभाजित जुगु खः । प्रचण्ड–नेपाल समूह न प्रधानमन्त्री ओलीं याःगु ज्या असंवैधानिक जुगु धका धाःसे लन्छि न्यकं आन्दोलनया ज्याझ्वः घोषणा याःगु खः। उगु बैठकय् अध्यक्षपि पुष्पकमल दाहाल प्रचण्ड व माधवकुमार नेपालं नेपाली कम्युनिस्ट आन्दोलनया रक्षाका लागि दृढतापूर्वक न्ह्यने वनेत सकल नेता व कार्यकर्तापिन्त इनाप याःगु दु धका प्रवक्ता श्रेष्ठं धयादीगु दु।
आन्दोलन गुकथं सशक्त दयेकेगु धका कन्ह्यः सोमवाः च्वनेगु स्थायी कमिटी बैठकं सहलह जुइ त्यःगु दु।
Categorized in राजनीति