वःगु २४ घण्टाया दुने थप ३४८ म्हेसित कोरोना भाइरस (कोभिड–१९) या संक्रमण पुष्टि जूगु दु।

थ्व नाप आःतक कुल संक्रमित जूपि २ लाख ६७ हजार ९९२ म्ह थ्यःगु दु । उकि मध्ये २ लाख ६२ हजार २५९ म्ह संक्रमणमुक्त जूगु दु ।

अथेहे सीपि १९६९ म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु। आःतक देयन्यकं ३ हजार ८६१ म्ह सक्रिय संक्रमितपि दु।

उकि मध्ये ८४४ म्ह होम आइसोलेसनय् च्वना च्वंगु दु सा १६१ म्ह आईसीयू व ३५ म्ह भेन्टिलेटरय् उपचार जूया च्वंगु दु।

Categorized in राष्ट्रिय