वःगु २४ घण्टाया दुने देयन्यक ११२ म्हेसित कोरोना संक्रमण पुष्टि जुगु दु ।

३ हजार ९४४ म्हेसिगु नमुना परीक्षण यागुलि ४४ म्ह मिसा व ६८ म्ह मिजंपिन्त कोरोना भाइरसया संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।

थ्व नाप आःतक नेपालय् कोरोना संक्रमितपि २ लाख ७३ हजार ९८४ म्ह थ्यःगु दु। उकि मध्ये थौं प्यम्ह सीगु दु । थ्व नाप सीपिनिगु ल्याः २ हजार ७७१ म्ह थ्यःगु दु। अथेहे वःगु २४ घण्टाय् थप ५४ म्ह डिस्चाजं जुया छेँय् लिहा वःगु दु ।

थ्व नाप आःतक २ लाख ७० हजार २७७ म्ह संक्रमणमुक्त जुइ धुकुगु दु । आःतक देयन्यक सक्रिय संक्रमितपि ९३६ म्ह थ्यःगु दु धका  मन्त्रालयं धाःगु दु।

Categorized in राष्ट्रिय