वःगु २४ घण्टाया दुने देयन्यक ३१८ म्ह कोरोना भाइरस संक्रमण जूगु दु। स्वास्थ्य तथा जनसंख्या मन्त्रालयया कथं ५०१२ म्हेसित परीक्षण याःगुलि २०६ म्ह मिजंपि व ११२ म्ह मिसापिन्त याना ३१८ म्ह संक्रमण पुष्टि जूगु दु।

थ्व नाप नेपालय् कोरोना भाइरस संक्रमित जूपि २ लाख ६८ हजार ३१० म्ह थ्यःगु दु । उकि मध्ये २ लाख ६२ हजार ६४२ म्ह कोरोनामुक्त जुगु दु सा ३ हजार ६९३ म्ह आइसोलसनय् च्वनाच्वंगु दु।

कोरोना भाइरस संक्रमणपाखे आःतक १९७५ म्ह सी धुकुगु दु। वःगु २४ घण्टाय् कोरोना भाइरस संक्रमणया कारण खुम्ह सी धुकुगु दु 

अथेहे वःगु २४ घण्टाय् संक्रमणमुक्त जूपि ३८३ म्ह थ्यःगु दु। अथेतु स्वनिगलय् २४ घण्टाया दुने १४५ म्ह संक्रमित जूगु दु ।

Categorized in राष्ट्रिय