नेपालय् कोरोनाया खोप वइगु जूल
डंगोल | पोहेलाथ्व सप्तमी ११४१, माघ ७ बुधवाः
भारतं नेपाःयात १० लखः डोज कोरोनाया खोप अनुदान बिइगु निश्चित जूगु दु ।
स्वास्थ्य तथा जनसंख्या मन्त्रालयं थौं याःगु पत्रकार सम्मेलनय् उगु जानकारी बिउगु खः ।
भारतया सिरम इन्स्टिच्युटं उत्पादन यानाच्वंग्ु कोभिड विरुद्धयो खोप ‘कोभिसिल्ड’ या न्हापांगु खेप कन्ह्य् थ्यनिगू स्वास्थ्य मन्त्री हृदयेश त्रिपाठीं जानकारी बियादिल ।
मन्त्रालयं खोप थ्यंगु छवाःया दुने हे खोप सर्वसाधारणतय्त बिइगु धाःगु दु ।
खोप अभियान ७७ जिल्लां हे न्ह्यकेगु मन्त्रालयं न्ह्यथंगु दु । भारतं नेपाललिसें भुटान, माल्दिभ्स, बंगलादेश, म्यानमार देय्यात कोरोनाया खोप अनुदान बिइत्यंगु खः ।
