बाँकेय् कोरोना संक्रमणं निम्ह मन्त
लहनान्युज | पोहेलाथ्व षष्ठी ११४१, माघ ६ मंगलवाः
![](https://www.lahananews.com/sites/default/files/co%201%20%286%29_16.jpg)
बाँकेय् कोरोना संक्रमणं निम्ह मनू सीउगु दु। जिल्ला कोभिड–१९ संकट व्यवस्थापन केन्द्र बाँकेया कथं छम्ह होम आइसोलेसनय् व छम्ह भेरी अस्पतालय् सीउगु दु ।
नेपालगञ्ज उपमहानगरपालिका–१० या ७० दँ दुम्ह मिजंम्ह सोमवाः चान्ह्य ९ः३० बजे होम आइसोलेसनय् व नेपालगञ्ज उपमहानगरपालिका–१ धम्बोजीया ४९ दँ दुम्ह मिजंम्हे भेरी अस्पतालय् थौं मंगलवाः सुथय् ६ः१० बजे मदुगु खः।
७० दँ दुम्ह मिजंम्ह २६ पुसय् कोरोना संक्रमण पुष्टि जुगु खः । कोरोना पुष्टि जुइवं उम्ह मनू होम आइसोलेसनय् च्वंगु खः। धम्बोजीया ४९ दँ दुम्ह मिजंम्ह भेरी अस्पतालय् भर्ना जुगु १० मिनेट लिपा हे अस्पतालय् मदुगु खः। कोरोना परीक्षण यागु इलय् २८ पुसय् वयागु रिपोर्ट पोजेटिभ वगु खः।
सोमवाः सुथय् अचानक बेहोस जुइवं वयात भेरी अस्पतालया कोभिड वार्डय् सुथय् ६ बजे भर्ना याःगु खः । वयागु बिहान ६ बजे जुया १० मिनेटय् मदुगु धका अस्पतालं धाःगु खः।
Categorized in राष्ट्रिय