सिटीं वुल्भरह्याम्पटन वान्डरर्सयात ४–१ गोलं बुका १५ ल्याखं न्ह्यःने
सिल्लागाः चौथी ११४१, फागुन १९ बुधवाः
![](https://www.lahananews.com/sites/default/files/39961964-9318385-image-a-3_1614718609723.jpg)
इंग्लीश प्रिमियर क्लब म्यान्चेस्टर सिटीं लगातार २१गूगु कासा त्याकूगु दु ।
वंगु डिसेम्बर १५ धुंकाः म्हितूगु दक्वं धेंधें बल्लाःया दक्वं कासा त्याकूगु म्यान्चेस्टर सिटीं प्रिमियर लिगया ल्याः धलखय् नं १५ ल्याःया अग्रता काःगु दु ।
वंगु चान्हय् जूगु कासाय् सिटीं वुल्भरह्याम्पटन वान्डरर्सयात ४–१ गोलं बुकल । सिटीया लागिं ग्याब्रियल जिससं २ गोल याःबलय् रियाद माहारेजं १ गोल थप याःगु खः ।
मेगु छगू गोल वुल्भरह्याम्पटनया डेन्डोन्करं आत्माघाति याःगु खः । कासा त्याःगुलिसें म्यान्चेस्टर सिटीं प्रिमियर लिगया ल्याः धलखय् २७ कासां ६५ ल्याः मुंकूगु दु ।
छगू कासा म्ह्वः म्हितूगु म्यानचेस्टर युनाइटेड ५० ल्याःलिसें निगूगु थासय् दुबलय् ४९ ल्याः मुंकूगु लेष्टर सिटी स्वंगूगु थासय् दु ।