१–० गोल अन्तरं बुकल सिटीं शेफिल्डयात
पोहेलागा तृतीया ११४१, माघ १८ आइतवाः
शेफिल्ड युनाईटेडयात १–० गोल अन्तरं बुकाः म्यान्चेस्टर सिटीं इंग्लीश प्रिमियर लिग फुटबलय् ३गु ल्यां न्ह्यःनय् लाःगु दु ।
वंगु चान्हय् जूगु कासाय् शेफिल्डविरुद्ध म्यान्चेस्टर सिटीयात त्याकेबीत ग्याब्रियल जिससं निर्णायक गोल याःगु खः । कासा त्याकाः सिटी, ल्याधलःया निगूगु थासय् दुगु म्यान्चेस्टर युनाईटेडनाप ३गु ल्यां न्ह्यःनय् दु ।
२०गु कासापाखें म्यान सिटीया ४४गु ल्या दुसा छगु कासा उप्वः म्हितूगु म्यान्चेस्टर युनाईटेडया ४१गु ल्या दु । म्यान्चेस्टर युनाईटेडं वंगु चान्हय् गोल मयाःसें आर्सनलनाप ज्वलिंज्वः कासा म्हितूगु खः ।
प्रिमियर लिगया मेमेगु कासाय् न्युकासल युनाईटेडं एभर्टनयात २–० गोलं बुकूगु दु । क्रिष्टल प्यालेसं वुल्भरह्याम्पटन वान्डरर्सयात अले एस्टन भिल्लां साउथह्याम्पटनयात
१–० गोलं बुकूगु दु ।
वेष्ट ब्रोम व फुल्हमदथुइया कासा २–२गु गोलया ज्वलिंज्वः जूगु दु ।
