चीनं नेपाःयात ९२ क्वःतिया स्वास्थ्य ज्वल ग्वःहालि बिइगु
चौलाथ्व पुन्हि ११४१,बैसाख १४ मंगलवाः
चीनं नेपाःयात थ्यंमथ्यं ९२ क्वःति बराबरया स्वास्थ्य ज्वलं व उपकरण ग्वःहालि बिइगु जूगु दु ।
थौं चिनियाँ विदेशमन्त्री वाङ यीं नेपाल, पाकिस्तान, बंगलादेश, अफगानिस्तान व श्रीलंकाया विदेशमन्त्रीलिसे जूगु सहलह ज्याझ्वलय् नेपाःयात कोरोना महामारीविरुद्धया लडाईंलय् ग्वहालि यायेगु बचं बिउगु खः ।
ज्याझ्वलय् परराष्ट्रमन्त्री प्रदीपकुमार ज्ञवालीं कोभिड–१९ महामारी रोकथाम व आर्थिक पुनरुत्थानया लागि क्षेत्रीय व अन्तर्राष्ट्रिय सहकार्य अप्वेकेमाःगु लि बः बिउगु खः ।
परराष्ट्रमन्त्रीं खुगु देय्या भिडियो सम्मेलनयात सम्बोधन याःगु व कोभिड रेस्पोन्स व रिकभरीया लागि क्षेत्रीय लिसें अन्तर्राष्ट्रिय सहकार्ययात सुदृढ दयेकेमाःगु खँय् बः बिउगु परराष्ट्र मन्त्रालयं ट्वीटपाखें न्ह्यथंगु दु ।
Categorized in राष्ट्रिय
