चन्द्रागिरीया आईपीओ मेगु वाःतक स्टक एक्सचेञ्जय् सूचीकरण जुइगु
लहनान्युज | पोहेलागा षष्ठी ११४१, माघ २१ बुधवाः
![](https://www.lahananews.com/sites/default/files/chada.jpg)
चन्द्रागिरी हिल्सया आईपीओ लिवाक्क शुक्रवाः तक नेपाल स्टक एक्सचेञ्जय् सूचीकरण जुइ त्यःगु दु।
चन्द्रागिरीया आईपीओ थ्व हे वाः दुने सूचीकृत याना मेगु वाः निसे कारोबार खुला याना नेप्सेें तयारी याःगु दु। थ्व हे वाःया दुने सूचीकरण जूसा चन्द्रागिरीयका निक्वःगु बजारया सेयर कारोबार मेगु वाःया दुने जक जुइ । नेप्से न न्हापागु कारोबारया लागि स्वगू गुणा तक ‘ओपन रेञ्ज’ तोक्के याःगु दु । नेप्से न तोके याःगु ओपन रेञ्ज कथं न्हापागु कारोबार जुइ।
चन्द्रागिरीया लागि नेप्से न ९६ दशमलव ९९ रुपैयाँ निसे २९० दशमलव ०७ रुपैयाँ ओपन रेञ्ज तोक्के याःगु दु । कम्पनीं वःगु पुस २४ गते सर्वसाधारणया आईपीओ बिक्री खुला याःगु खः । कम्पनींं सच्छिगु दरं १५ करोड ३४ लाख ९१ हजार रुपैयाँ बराबरया १५ लाख ३४ हजार ९१ कित्ता आईपीओ पिकाःगु खः ।
आवेदन बिउपि मध्ये १ लाख ३९ हजार ६०२ म्हेसिया १० कित्ताया दरं सेयर ल्हातय् लाःगु खः ।
Categorized in राष्ट्रिय