च्याम्पियन्स लिगय् चेल्सी र पिएसजी सेमिफाइनलमा
लहनान्युज | चौलाथ्व द्धितीया ११४१,बैसाख १ बुधवाः
![](https://www.lahananews.com/sites/default/files/41716450-9465189-The_Brazilian_dominated_Bayern_s_defence_and_struck_the_bar_and_-a-30_1618348009175.jpg)
इंग्लीश फुटबल क्लब चेल्सी व फ्रान्सया पेरिस सेन्ट जर्मेन (पिएसजी) युरोपियन च्याम्पियन्स लिग फुटबल धेंधेंबल्लाया सेमिफाइनलय् थ्यंगु दु ।
वंगु चान्हय् जूगु क्वाटरफाइनल निगूगु लेगया कासाय् पोर्चुगलया एफसी पोर्टोलिसे १–०या गोल अन्तरं बूसा नं मुक्कंलय् २–१गूया गोल अन्तरं त्याका चेल्सी सेमिफाइनलय् थ्यंगु खः ।
न्हापांगु लेगया कासाय् चेल्सीं पोर्टोयात २–० या गोल अन्तरं बुकुगु खः । वंगु चान्हय् हे जूगु मेगु कासाय् जर्मनीया बायर्न म्युनिखयात स्तब्ध याना फ्रान्सया पिएसजी नं सेमिफाइनलय् थ्यंगु दु ।
फ्रान्सय् जूगु निगूगु लेगया कासा वायर्न म्युनिखं १–०या गोल अन्तरं त्याकुगु खः । न्हापांगु लेगय् पिएसजी ३–२ या गोल अन्तरं त्यागु अवस्थाय् निगूगु लेगलिपा कासा ३गू–३गू गोलया ज्वलिन्ज्वःलय् दिउगु खः ।
वयांलिपा अवे गोलया लिधंसाय् पिएसजी सेमिफाइनलय् थ्यंबलय् साविक त्याकामि बायर्न निराश जुइमाल । च्याम्पियन्स लिगया ल्यं दूगु निगू क्वाटरफाइनल कासा थौं चान्हय् न्ह्यायेत्यंगु दु ।
थौं जर्मनीया बोरुसीया डर्टमण्डं इंग्ल्याण्डया म्यान्चेस्टर सिटीलिसे म्हितिइबलय् मेगु इंग्लीश क्लब लिभरपुलं स्पेनया रियाल मड्रिडलिसे म्हितिइ ।
Categorized in कासा