च्याम्पियन्स लिगय् सेमिफाइनलया न्हापांगु लेगय् रियाल मड्रिड व चेल्सीया कासा ज्वलिंज्वः
चौलागा पारु ११४१,बैसाख १५ बुधवाः
![](https://www.lahananews.com/sites/default/files/42291830-0-image-a-19_1619552990854.jpg)
युरोपियन च्याम्पियन्स लिग फुटबल अन्तर्गत सेमिफाइनलया न्हापांगु लेगय् रियाल मड्रिड व चेल्सीं ज्वलिंज्वः कासा म्हितूगु दु ।
वंगु चान्हय् स्पेनया मड्रिडय् जूगु कासाय् १गू–१गू गोल जूगु खः । कासाय् पाहाँ पुचःया कथं दुगु चेल्सीं क्रिस्चियन पुलिसिकया गोलमार्फत अग्रता काःगु खः ।
तर रियालया करिम बेन्जमां आकर्षक गोल यानाः कासायात ज्वलिंज्वः यानाब्यूगु दु । इपिं निगुलिं पुचःदथुइया निगूगु लेग वइगु मे महिनाया ६ तारिखय् लण्डनस्थित चेल्सीया मैदानय् जुइ ।
युएफा च्याम्पियन्स लिग फुटबलया निगूगु सेमिफाइनल कासाय् थौं चान्हय् फ्रान्सया पेरिस सेन्ट जर्मेन, पीएसजी व इंग्ल्याण्डया म्यान्चेस्टर सिटीदथुइ धेंधेंबल्ला जुइ ।
Categorized in कासा