बार्सिलोनां बिल्बाओयात २–१ गोलं बुकल
पोहेलागा चतुर्थी ११४१, माघ १९ सोमवाः
![](https://www.lahananews.com/sites/default/files/barcelona_0.jpg)
स्पेनिस ला लिगा फुटबलय् बार्सिलोनां एथ्लेटिक बिल्बाओयात बुकुगु दु । वंगु चान्हय् जूगु कासाय् बार्सिलोनां बिल्बाओयात २–१ गोल बुकूगु खः ।
घरेलु ख्यःलय् बार्सिलोनायात त्याकेत लियोनल मेस्सी व एन्टोनी ग्रीजम्यानं १–१ गोल यात ।
बिल्बाओं १ गोल आत्मघातीया सिरपाया कथं काय्दत । कासाया २०गू मिनेटय् मेस्सीं १ गोल याना बार्सिलोनायात त्याकेत ताःलागु खः ।
मेसीं फ्रिकिकं गोल याःगु खः । थ्वः गोललिसें मेस्सीं बार्सिलोनाया लागि ६सः ५० गोल पूवंकूगु दु । आः बार्सिलोना लिगया निगूगु झ्वलय् थाहाँवंगु दु । बार्सिलोनां २० कासां ४०गू ल्याः तंगु दु ।
बिल्बाओ २४ ल्याखं ११गू थासय् लानाच्वंगु दु ।