बार्सिलोनाया अफिसय् छापा, आर्थिक अनियमितताया द्वपनय् प्यम्हेसित ज्वन
लहनान्यूज | सिल्लागा तृतीया ११४१, फागुन १७ मंगलबाः
![](https://www.lahananews.com/sites/default/files/Onespace_FCB_01_Uden-2600x1731.jpg)
स्पेनिस फुटबल क्लब बार्सिलोनाया ज्याकुथिइ प्रहरीं छापा तःगु दु । आर्थिक अपचलन व कर छलीया आशंकाय् क्लबया ४म्ह कर्मचारीयात ज्वंगु दु ।
प्रहरीं थःपिनि छानविन जारी दूगु धका ज्वंपिनि म्हसिका ध्वाथुइकुगु मदुनि । तर स्पेनिस मिडियां क्लबया निवर्तमान नायः जोसेप मारिया बार्तोमेउयात नं ज्वंगु दाबी याःगु दु ।
बार्सिलोनां वंगु आइतवाः जक क्लबया न्हूम्ह नायःया निर्वाचन जूगु खः । सोमवाः प्रहरीं ज्याकुथिइ छापा तया धरपकड याःगु धाःगु दु ।
थगुने बार्सागेट प्रकरणय् बार्सिलोनां थः कासामितयेत सामाजिक संजालय् आलोचना यायेत छगू निजि फर्मयात करारय् तःगु खुलासा जूगु खः ।
तर क्लबं आधिकारिक कथं धाःसा थुगु खबरया खण्डन याःगु खः । कचवं अप्वयावनेधुंका वंगु अक्टोबरय् क्लबया नायः बार्तोमेउं पदं राजिनामा बिइगु घोषणा याःगु खः ।
बार्सिलोना फुटबल क्लबं प्रहरीया न्ह्यानाच्वंगु छानविनय् पूवंक कथं ग्वहालि यायेगु धाःगु दु ।