सेभियायात बुका बार्सिलोना कोपा डेल रे फुटबलया फाइनलय्
लहनान्युज | सिल्लागाः षष्ठी ११४१, फागुन २० बिहीवाः
![](https://www.lahananews.com/sites/default/files/barcelona_2.jpg)
उपाधि दावेदार बार्सिलोना स्पेनिस कोपा डेल रे फुटबल धेंधेंबल्लाया फाइनलय् थ्यंगु दु ।
सेभिया विरुद्धया सेमिफाइनल कासा मुक्कंलय् ३–२या गोल अन्तरं त्याका बार्सिालोना फाइनलय् थ्यंगु खः ।
सेमिफाइनल न्हापांगु लेगय् बार्सिलोना २–० या गोल अन्तरं बूगु खः । तर वंगु चान्हय् जूगु निगूगु लेगया कासाया क्वजिनातःगु इलय् बार्सां २–० या गोल अन्तरं कासा त्याकुगु खः ।
बार्साया नितिं ओस्मान डेम्बें व जेरार्ड पिकें छगू छगू गोल याःगु खः । क्वजिनातःगु ईया कासा बार्सिलोनां २–० या गोल अन्तरं त्याकेधुंका एग्रिगेटय् २गू–२गू गोलया ज्वलिन्ज्वः जूगु खः ।
वयांलिपा कासा अतिरिक्त इलय् थ्यंगु खः । अतिरिक्त इलय् बार्सिलोनायात त्याकेत मार्टिन ब्रेथवेटं निर्णायक गोल याःगु खः ।
कासाय् सेभियाया रेगेस व डे योङं ह्याउँगु कार्ड नयेधुंका टोली ९ म्ह कासामिइ लिकुंगु खः ।
बार्सिलोनां आः उपाधिया नितिं एथ्लेटिक बिल्बाओ व लेभान्ते दथुया निगूगु सेमिफाइनल कासाया त्याकामिलिसे म्हितिइ ।