अस्ट्रलियाय् मदिक्क वाः वया जनजीवन लिच्वलय्
चिल्लाथ्व नवमी, ११४१, चैत्र ८ आइतबाः
अस्ट्रेलियाय् खुसीवाः वया अनया जनजीवन लिच्वःलय् लाःगु दु । अस्ट्रेलिया सरकारं ‘प्राकृतिक विपत’ तकं घोषणा याःगु दु ।
सिड्नीलिसें थासय् तसकं वाः वया खुसिवहाः वया न्यू साउथ वेल्स राज्यया छुं लागाय् प्राकृतिक विपत घोषणा याःगु खः । विपतया लिच्वःलय् लाःपिं जनता पिनिगु उद्धार व राहतया नितिं केन्द्र व राज्य सरकारया दक्व आपतकालीन निकाय त परिचालन याःगु दु ।
छुं दिंनिसें मदिक्क वःगु वाः या हुनिं सिड्नी शहर जलमग्न जूगु दु । प्रभावित क्षेत्रया बासिन्दापिन्त छेँय् पिहाँमवेत व आपतकालीन सेवाया सूचनय् ध्यान बिइत इनाप याःगु दु ।
तसकं वःगु वाःलं राजमार्ग व सतक बन्द जूगु दु । न्यू साउथ वेल्सय् अझं छुं दिं तसकं वाः वइगु मौसमविदपिन्सं न्ह्यथंगु दु ।