नेतृ अष्टलक्ष्मी शाक्य प्रहरीया कजय्, ७७म्ह कार्यकर्तापिन्त नं ज्वन
पोहेलागा सप्तमी ११४१, माघ २२ बिहीवाः
![](https://www.lahananews.com/sites/default/files/Screenshot_2021-02-04%20%E0%A4%85%E0%A4%B7%E0%A5%8D%E0%A4%9F%E0%A4%B2%E0%A4%95%E0%A5%8D%E0%A4%B7%E0%A5%8D%E0%A4%AE%E0%A5%80%20%E0%A4%B6%E0%A4%BE%E0%A4%95%E0%A5%8D%E0%A4%AF%E0%A4%B8%E0%A4%B9%E0%A4%BF%E0%A4%A4%20%E0%A4%AA%E0%A5%8D%E0%A4%B0%E0%A4%9A%E0%A4%A3%E0%A5%8D%E0%A4%A1-%E0%A4%A8%E0%A5%87%E0%A4%AA%E0%A4%BE%E0%A4%B2%20%E0%A4%B8%E0%A4%AE%E0%A5%82%E0%A4%B9%E0%A4%95%E0%A4%BE%20%E0%A4%95%E0%A4%BE%E0%A4%B0%E0%A5%8D%E0%A4%AF%E0%A4%95%E0%A4%B0%E0%A5%8D%E0%A4%A4%E0%A4%BE%20%E0%A4%AA%E0%A4%95%E0%A5%8D%E0%A4%B0%E0%A4%BE%E0%A4%89%20%28%E0%A4%AB%E0%A5%8B%E0%A4%9F%E0%A5%8B%20%E0%A4%AB%E0%A4%BF%E0%A4%9A%E0%A4%B0%29%20%281%29.png)
आमहड्ताल सफल यायेत न्ह्यज्यानाच्वंम्ह नेकपा दाहाल–नेपाल पुचःया दुजः अष्टलक्ष्मी शाक्यलिसें ७७ नेता लिसें कार्यकर्तापिन्त प्रहरीं थःगु कजय् काःगु दु ।
कलंकीपाखें अष्टलक्ष्मी शाक्ययात प्रहरी कजय् काःगु खः । आः वय्कयात महाराजगञ्जया महानगरीय प्रहरी शिक्षालय हया तयातःगु धाःगु दु ।
थ्वलिसें चाबहिल, बागबजाः सामाखुसीपाखें नं नेता व कार्यकर्ता ज्वंगु नेकपा न्ह्यथंगु दु । उमिसं सतकय् वयेवनिगुलिइ अवरोध याःगु धासें उमित ज्वनागु प्रहरी धाःगु दु ।
महानगरीय प्रहरी कार्यालय, लानीपुखुया मू हरिबहादुर पालया कथं येँ नं ७६म्ह व ख्वपं १ आन्दोलनकारी ज्वनागु व उमिते लिकसंया प्रहरी ज्याकूथिइ तयातःगु धाःगु दु ।
गृह मन्त्रालयं बुधबाः हे छगू सूचं जारी याना सतक गुगुनं कथंया अवरोध वा तोडफोड थुं जाःगु ज्या याःपिन्त ज्वनेगु धाःगु खः । प्रहरीं सुथय् २ताः ईलंनिसें हे सादा पोसाकया प्रहरीपिन्त खटेयाःगु खः ।