आर्सनलं टोटनह्याम हट्सपरयात २–१या गोल अन्तरं बुकल
चौलाथ्व द्धितीया ११४१, चैत्र २ गते सोमबाः
![](https://www.lahananews.com/sites/default/files/arsanel%201.jpg)
इंग्लीश प्रिमियर लिग फुटबलय् आर्सनलं टोटनह्याम हट्सपरयात २–१या गोल अन्तरं बुकुगु दु ।
वंगु चान्हय् आर्सनलया ख्यःलय् जूगु लण्डन डर्बीइ घरेलु टोलीयात त्याका बिइत मार्टिन ओडेगार्ड व अलेक्जेण्डर लाकाजेट्ं छगू छगू गोल याःगु खः । टोटनह्यामया एरिक लामेलां न्हापांगु गोल याःगु खः ।
७६गूगु मिनेटय् लामेला ह्याउँगु कार्ड नया पिदनेधुंका टोली १०म्ह कासामिइ लिकुंगु खः । प्रिमियर लिगया हे मेगु कासाय् म्यान्चेस्टर युनाईटेडं वेष्ट ह्याम युनाईटेडयात १–०या गोल अन्तरं बुकल ।
वेष्ट ह्यामया क्रेग डसनं छगू आत्माघाति गोल यायेधुंका टोली बूगु खः । वंगु चान्हय् लेष्टर सिटीं शेफिल्ड युनाईटेडयात ५–०या गोल अन्तरं बुकल ।
लेष्टरया नितिं केलेची इहिनाचों ह्याट्रिक याःबलय् अयोजे पेरेजं छगू गोल याःगु खः । शेफिल्डया इथन अम्पादुं छगू आत्माघाति गोल याःगु खः ।
वंगु चान्हय् जूगु मेगु कासाय् ब्राइटनं साउथह्याम्प्टनयात २–१गूया गोल अन्तरं बुकुगु दु ।
Categorized in कासा