भ्रष्टाचार सम्बन्धी सञ्चार माध्यमयात जिम्मेवार जुइत प्रमया इनाप
लहनान्युज | पोहेलागा चतुर्दशी ११४१, माघ २८ बुधवाः
![](https://www.lahananews.com/sites/default/files/kp%20oli_21.jpg)
प्रधानमन्त्री केपी शर्मा ओलीं भ्रष्टाचार सम्बन्धी च्वयगु इलय् सञ्चार माध्यमयात जिम्मेवार जुइत इनाप याःगु दु। भ्रष्टाचार मयाम्ह मनूयात न्ह्याथे याना सा भ्रष्टै क्यनेत समाचार च्वये मज्यु धका सुझाव बिःगु दु ।
अख्तियार दुरुपयोग अनुसन्धान आयोगया ३० क्वःगु स्थापना दिवसया लसताय् थौं बुधवाः येँ जुगु ज्याझ्वल् न्ववानादीसे प्रधानमन्त्री ओलीं धयादीगु दुे, ‘राज्यया प्यंगुगु अंग सञ्चार माध्यमं जनतायात यथार्थ खँ सूचित यायेमाःगु, यथार्थ खँ हया भ्रष्टयात भ्रष्ट धायेमाःगु तर गुम्ह भ्रष्ट मखु वयात न्ह्याथे यानासा भ्रष्टै हे खः धइगु आग्रहपूर्ण मान्यता तयेम मज्यु ।’
अख्तियार दुरुपयोग अनुसन्धान आयोग वःगु गुलि न घट्नाया अनुचित ढंगं प्रस्तुत जुगु प्रधानमन्त्री ओलीया धापू खः। वयकल धयादी, ‘ अख्तियार नाप अपराधी थर्कमान जुइहे माः तर निर्दोष मनूया निम्ति त्रास मखु संरक्षणया थाय् जुइमाः ।’ ट्रान्सपरेन्सी इन्टरनेसनल लगायतया संस्थां मेपिन्त ध्याचं छ्वाकेगु हे थःपिनिगुे महानता जुइगु बिचाः यायेमज्यु धका वयकलं सुझाव बियादीगु दु ।
Categorized in राजनीति