महादेव भीरय् ट्रिपर दुर्घटना जुया ३म्ह मन्त
डंगोल | पोहेलाथ्व पंचमी ११४१, माघ ५ सोमवाः
![](https://www.lahananews.com/sites/default/files/triper.jpg)
सोलुखुम्बुया सोलुदूधकुण्ड नगरपालिका ११ बरडाँडा व नेचासल्यान गाउँपालिकाया सिमानाय् च्वंगु महादेव भीरय् वंगु चान्ह्य छग ट्रिपर दुर्घटना जुबले ३म्ह सीगु दु ।
बा ४ ख ७९८० ल्याःया ट्रिपर दुर्घटना जुबले ३३ दँया चालक कमल मगर, हेटौडाया २३ दँया रामकुमार मगर, सप्तरीया १९ दँया कृष्ण चौधरी सीगु खः ।
चालक मगरया थाय्वाय् धाःसा सीदूगु मदुनि । दुर्घटनाय् हेटौडाया २३ दँया रमेश मगर तच्वंक घाःपाः जूगु दु । वय्कया सोलुखुम्बु जिल्ला अस्पतालया वासः जुयाच्ंगु दु ।
ट्रिपर सतकं ३ सः मिटर क्वये कुतुवंगु न्ह्यथनातःगु दु । २३गू फुति ५ मेगावाटया अपर सोलु जलविद्युत् आयोजनया निर्माण ज्वलं आयोजनाय् यंकेगु झ्वलय् उगु दुर्घटना जूगु खः ।