सुनसरीया दुहबी–इनरुवा सडकखण्डय् माइक्रोबस व मोटरसाइकल ल्वाना स्वम्ह मनू सीउगु दु ।

थौं मंगलवाः न्हिनय् दुहबी नगरपालिका–१० या सडकखण्डय् दुहबीपाखे ईनरुवापाखे वनाच्वंगु प्र १–०२–००१ ज ३८६८ नम्बरया माइक्रोबस व दुहवीपाखे वयाच्वंगु ३४ प ४६९४ मोटरसाइकल ल्वाना स्वम्ह मनू सीगु दु धका प्रदेश ट्राफिक प्रहरी कार्यालय इटहरीं धाःगु दु।

प्रदेश ट्राफिक प्रहरी कार्यालय इटहरीया कथं सीपि मोटरसाइकल चालक सुनसरी इनरुवा– ३ या ४४ दँ दुम्ह बिर्ख मण्डल व माइक्रोबसया सहचालक सप्तरी राजविराज– १ या २२ दँया शंकर यादव खः । मेम्ह धाःसा सू खः सिइ मदुनि। उगु दुर्घटनाय् मेपि झीम्ह सामन्य घाइते जूगु दु।

घाइते जूपिन्त स्थानीय जीवनज्योति मेडिकलय् उपचार वासः याना च्वंगु दु।

Categorized in राष्ट्रिय