३१ म्ह सहसचिवपि सरुवा व पदस्थापन
लहनान्युज | सिल्लाथ्व त्रयोदशी ११४१, फागुन १३ बिहीवाः
सरकार ३१ म्ह सहसचिवयात छक्वल सरुवा व पदस्थापन याःगु दु।
प्रतिनिधिसभा पुनःस्थापना जुगु निन्हु लिपा हे संघीय मामिला तथा सामान्य प्रशासन मन्त्रालयं छक्वल ३१ म्ह सहसचिवपिन्त सरुवा व पदस्थापन याःगु दु । गृह मन्त्रालयय् खगेन्द्रप्रसाद रिजालयात हःगु दु । थ्व स्वया न्ह्यः अख्तियार दुरुपयोग अनुसन्धान आयोगय् दुम्ह खः । अथेहे छविलाल रिजालयात सञ्चार मन्त्रालयं गृहय् हःगु खः ।
अथेहे रामप्रसाद आचार्ययात रक्षा मन्त्रालयपाखे प्रधानमन्त्री तथा मन्त्रिपरिषदया कार्यालय सरुवा याःगु खः ।
लगानी बोर्डया कार्यालयय् च्वम्ह धर्मेन्द्रकुमार मिश्र मधेसी आयोगय् वःगु दु सा दीर्घराज मैनालीयात प्रधानमन्त्री तथा मन्त्रिपरिषदया कार्यालयपाखे अर्थ मन्त्रालय सरुवा याःगु दु।
