नेपाल आयल निगमं पेट्रोलियम पदार्थया भाः हाकनं थकाःगु दु ।

थौं चान्ह्यया १२ बजेनिसे लागू जुइ कथं डिजेल, पेट्रोल व मचिक व हवाई इन्धनया भाः थकाःगु दु धका निगमया प्रवक्ता विनितमणि उपाध्यायं जानकारी बिःगु दु । वःगु फागुन ४ गते  न छवाः दुने निकः तक भाः थकाःगु खः।

डिजेल, पेट्रोल व मचिकं छगु लिटरय् नितका व हवाई इन्धन आन्तरिकपाखे न्यातका भाः थहावःगु दु धका निगमपाखे जारी याःगु विज्ञप्तिइ उल्लेख याःगु दु।

अथेहे हवाई इन्धन बाहृयपाखे छगु किलोलिटरय् २५ अमेरिकी डलर थहावःगु दु धका निगमं धाःगु दु । न्हगु भाः कथं पेट्रोल छगु लिटर ११६ रुपैयाँ व डिजेल नाप मचिकं ९९ रुपैयाँ कायम जूगु दु। अथेहे हवाई इन्धन आन्तरिकपाखे लिटरं ७२ रुपैयाँ थ्यःगु दु । 

Categorized in राष्ट्रिय