प्रदेश १ या बैठक अन्यौल
लहानान्युज | पोहेलागा एकादशी ११४१, माघ २५ आइतवाः
![](https://www.lahananews.com/sites/default/files/shredha.jpg)
प्रदेश–१ या प्रदेशसभा बैठक च्वनिइगुलि नेकपाया निगु समूह दथुइ सहमति जुइ मफुगु दु। बैठक च्वनेइगु बारे नेकपाया निगु समूह दथुइ सहमति पिहा मःगु दु।
बैठक जुइ न्ह्यः निगु समूहया नेतापि वार्ताय् च्वःगु खः । तर, थःथःगु अडान मत्वःगुलि बिना सहमति नेतापि दनावःगु खः । ओली समूहया नेतापि आइतवाः निर्धारित बैठकया सूचं टाँसेय् याना स्थगित यायेगु व सहलह न्ह्याकेगु प्रस्ताव न्ह्यने यकूगु खः। तर, प्रचण्ड–माधव समूहया नेतापि कम्ति न आइतवाः तक बैठक तया मुख्यमन्त्रीविरुद्धया अविश्वास प्रस्ताव पेश यायेमाःगु अडानय् कायमै दनिइ । बैठक १८ दिन स्थगित जुइ धुकुगुलि आः मुख्यमन्त्री विरुद्ध वःगु अविश्वासया प्रस्ताव टेबल याना न्ह्यने यकेगु अडानय् दनिइगु खः ।
‘कम्ति न थौंया बैठकय् अविश्वासया प्रस्ताव टेवल यायेगु । बरु, वयालिपा सहलह याये फइ’, धका सहभागी प्रचण्ड–माधव समूहया नेतां धाःगु खः। तर, थुकिइ ओली समूहपि तयार मदु । दुवै समूह अडानय् कायमै जुगुलि वार्ता बिना निष्कर्ष क्वचाःगु खः। उगु वार्ताय् ओली समूहपाखे आन्तरिक मामला मन्त्री हिक्मत कार्की व बिमल कार्की सहभागी जुगु खःसा प्रचण्ड–माधव समूहपाखे राजेन्द्र राई, इन्द्र आङ्बो व लक्ष्मण तिवारी सहभागी जुगु खः।
मुख्यमन्त्री शेरधन राई विरुद्ध नेकपाया हे ३७ म्ह सांसदपिन्स अविश्वासया प्रस्ताव पेश याःगु खः। तर, थुगु प्रस्ताव टेवल जुइफुगु मदुनि । वःगु माघ ७ य् स्वगु मिनेट च्वना बैठक स्थगित जुगु खः ।
Categorized in राजनीति