देश अस्थिरतापाखे यकेमज्यूू,वरिष्ठ नेता पौडेल
लहनान्युज | पोहेलागा नवमी ११४१, माघ २४ सनिवाः
![](https://www.lahananews.com/sites/default/files/Ramchandra-Poudel_3.jpg)
नेपाली कांग्रेसया वरिष्ठ नेता रामचन्द्र पौडेलं देश अस्थिरतापाखे यकेमज्यूू धका बःबियादीगु दु । थौं दमौलीइ जुगु साक्षात्कार ज्याझ्वलय् वरिष्ठ नेता पौडेलं देशया स्थायित्व व समृद्धि दयेकेमाः धका धयादीगु दु । नेपाली कांग्रेसं जक देश विकास याये फइगु दाबी यानादीसे वरिष्ठ नेता पौडेलं न्हुगु राजनीतिक ध्रुवीकरणं कांग्रेसयात अवसर कथं कायेमाः धका धयादीगु दु।
‘कांग्रेसं हैसियत, उत्तरदायित्व थुइका न्ह्यने वनेमाःगु, आः प्राप्त जुगु अवसरयात सदुपयोग यायेमाः’, धका धयादीगु खः। वरिष्ठ नेता पौडेलं कांग्रेसयात भरोसाया केन्द्र दयेकेमाःगु खँय् बःबियादीगु खः। झण्डै निगु तिहाइ मत काःगु सरकारं जनभावना कथं ज्या यायेमफुगुलि जनताया आकर्षण कांग्रेसय् अप्वाया वनाच्वंगु दु धका धयादीगु खः ।
वरिष्ठ नेता पौडेलं पार्टीया विधान बचे याना कांग्रेसयात बचे यायेगु ई वःगु दु धका धयादीगु दु। पार्टी दुने जुगु विधानविपरीतया ज्या भिंका न्ह्या वनेमाः धका धयादीसे, ‘दच्छिया म्याद थपे याये दइगु ई आः सिधल, माघ मसान्त दुने क्रियाशील सदस्यता टुङ्गो लगे याना अधिवेशनय् वनेमाः।’ धका धयादीगु खः ।
Categorized in राजनीति