कोरोना खोप निजी कम्पनीयात हयेके बिइगु तयारी
लहनान्युज | सिल्लाथ्व षष्ठी ११४१, फागुन ६ बिहीवाः
सरकारं कोरोना खोप निजी कम्पनीयात हयेके बिइगु तयारी याःगु दु।
थुकिया लागि मन्त्रिपरिषदं निश्चित मापदण्ड तया निर्णय यायेगु स्वास्थ्य तथा जनसंख्यामन्त्री हृदयेश त्रिपाठीं जानकारी बिःगु दु । मन्त्रालयं बिहीवाः ग्वसाः ग्वःगु पत्रकार सम्मेलनय् मन्त्री त्रिपाठीं धाःगु दु, ‘निजी कम्पनीं हःगु खोप सरकार धासा न्याइ मखु ।
निजी प्रयोजनय् बिइ फइ।’ सरकारं हःगु खोप धाःसा निःशुल्क जुइ धका वयकलं धयादीगु दु। मन्त्रिपरिषद् या लिपागु निर्णय कथं २० लाख डोज कोरोना खोप निवाः दुने हे वइ।
सरकारं भारतया सेरम इन्स्टिच्युटं उत्पादन याःगु कोरोना खोप ‘कोभिसिल्ड’ प्रतिडोज प्यंगु डलरया दरं न्यायेगु निर्णय याःगु दु।
Categorized in राष्ट्रिय