प्रचण्ड–नेपाल समूहं आमहड्तालया घोषणा
लहनान्युज | पोहेलागा षष्ठी ११४१, माघ २१ बुधवाः
![](https://www.lahananews.com/sites/default/files/pratrkar.jpg)
नेपाल कम्युनिस्ट पार्टी (नेकपा) प्रचण्ड–नेपाल समूह नं बिहीवाःनिसे देयन्यक आमहड्तालया घोषणा याःगु दु ।
नेकपा केन्द्रीय संघर्ष समितिं थौं छगु पत्रकार सम्मेलन यासे कन्ह्यःनिसे आमहड्ताल यायेगु घोषणा याःगु दु । संवैधानिक आयोगय् सिफारिस जुपि पदाधिकारीपिन्स संसदीय सुनुवाइ बिना हे थौं सुथय् पद व गोपनीयताया शपथग्रहण याःगु खः।
उकिया विरोधय् आमहड्ताल घोषणा याःगु खः। सरकारं वःगु मंसिर ३० गते अध्यादेश हया संवैधानिक आयोगय् खाली जूगु पदय् सिफारिस याःगु खः ।
असंवैधानिक तरिकां अध्यादेश हया नियुक्त याःगु संवैधानिक निकायया पदाधिकारीपिन्त शपथ नका जबर्जस्ती नाटक यागु धका संघर्ष समितिया सह–संयोजक पम्फा भुसालं धाःगु खः।
उगु समूह न बुधवाः हे मसाल जुलुस यायेगु धका थौं जुगु पत्रकार सम्मेलनय् जानकारी बिःगु दु ।
Categorized in राष्ट्रिय