प्रम ओली थौं निर्वाचन आयोगय् वनिइगु
लहनान्युज | पोहेलागा त्रयोदशी ११४१, माघ २७ मंगलवाः
![](https://www.lahananews.com/sites/default/files/PM_Oli-e1570101048679_3.jpg)
प्रधानमन्त्री केपी शर्मा ओली थौं निर्वाचन आयोगया कार्यालय कान्तिपथ वनेत्यःगु दु। नेकपा विवाद व निर्वाचनया तयारी विषयय् सहलह यायेगु निति आयोगं वःगु माघ १६ गते नेकपाया निगु हे पक्षयात सःतूगु खः। प्रचण्ड–माधव नेपाल पक्ष आयोगया कार्यालय वना थःपिनिगु आधिकारिकता दाबी याये धुकुगु दु। प्रधानमन्त्री तक जुयादीम्ह ओली धाःसा आःतक वःगु मदुनि ।
प्रम ओली थौ सुथय् ११ बजे आयोगया कार्यालय वनिइ धका प्रमया सचिवालय धाःगु दु । नेकपाया निगु हे खेमाया नेतापिन्स थःगु मूल पार्टी दाबी याना वयाच्वंगु दु । तर, आयोगं निगु पक्षया दाबी मगाः धका धयावया च्वगु दु ।
वःगु पुस ५ गते प्रधानमन्त्री ओलीया सिफारिसय् राष्ट्रपति विद्यादेवी भण्डारीं प्रतिनिधिसभा विघटन यासे वइगु बैशाख १७ व २७ गते निर्वाचन मिति घोषणा याये धुकुगु दु।
Categorized in राजनीति