स्वनिगः त्वःता पिहाँवनिपिं म्वःम्वः जुल
लहानान्युज | चौलाथ्व पुन्हि ११४१,बैसाख १४ मंगलवाः
सरकारं येँ स्वनिगःलय् बिहीबाःनिसें निषेधाज्ञा लागू यायेवं स्वनिगः त्वःता छेँ वनिपिनिगु ल्याः अप्वःगु दु ।
सोमबा बहनि च्वंगू मन्त्रिपरिषद् मूँज्यां येँ बैशाख १६ गते बिहीबाः निसें निषेधाज्ञा जारी यायेगु निर्णय याःगु खः । थुकिया लिच्वःकथं थौं सुथंनिसें हे स्वनिगः त्वतिइपिं थःगु छेँ लिहाँ वनिपिं म्वःम्वः जूगु खः ।
ट्राफिक प्रहरीं म्हिगः व थौं जक हे २ लखः सिबें अप्वः मनुतय्सं स्वनिगः त्वतूगु न्ह्यथंगु दु । कोटेश्वर नाका व थानकोट नाकापाखें स्वनिगः त्वःतुपिनिगु ल्याः अप्वःगु खः ।
अथेहे बालाजुपाखेया नाका व बल्खु नाकां तकं द्वलंद्व मनुत पिहाँवंगु दु । छुं ई न्ह्यः यात्रु त मदयेक न्ह्याकेमाःगु सवारी साधनय् म्वःम्वः यात्रु त तया गाडी न्ह्यानाच्वंगु दु ।
गुकिं याना थाय्थासय् ताःई तक्क जाम तकं जूगु दु ।
