युभेन्टसं सासुओलोयात ३–१ गोलं बुकल
डंगोल | त्रयोदशी थिंलागा ११४१ (२०७७ पौष २७ गते) सोमबाः
![](https://www.lahananews.com/sites/default/files/ronaldo_3.jpg)
युभेन्टसं सासुओलोयात ३–१ गोलं बुकूगु दु । साबिक त्याकामि युभेन्टसं वंगु चान्ह्य् जूगु इटालियन सिरी ए फुटबलय त्यासेंलि प्यंगूगु थाय् पक्का जूगु खः ।
थःगु ख्यःलय् जूगु कासाय् युभेन्टसयात त्याकेत डानिलो, आरोन राम्सी व क्रिष्टियानो रोनाल्डों १–१गू गोल याःगु खः ।
सासुओलोया नितिं डिफ्रेलं १गोल याःगु खः । न्हापांगु हाफया इन्जुरी ईया न्हापांगु मिनेटय् ह्याउँगु कार्ड नया ओबिएङ्ग पिहाँवसेंलि सासुओलो १०म्ह कासामी लिंकुंगु खः ।
कासाया ५०गुगू मिनेटय् डानिलोलं गोल याना युभेन्टसयात न्ह्योने यंकेत ताःलागू खः ।
अथेहे डिफ्रेललं ५८गुगू मिनेटय् १गोल याना कासा ज्वःलिंज्व याःगु खः । ९२गुगू मिनेटय् रोनाल्डों याःगु गोल हे निर्णायक जुया युभेन्टस ३–१ गोल अन्तरं त्याःगु दु ।
थ्व कासा त्यागु नापं प्यंगूगु थासय् थ्यंकेत युभेन्टस ताःलागू दु ।
आः युभेन्टसया १६गू कासा लिपा ३३गू ल्याः जूगु दु । अथेहे वंगु चान्हय् हे जूगु मेमेगु कासाय् रोमा व इन्टरमिलान दथुई कासा २–२गू गोलया ज्वःलिंज्व जूगु दु । इन्टर मिलानं १७गू कासां ३७गू व रोमां ३४गू ल्याः दयेकुगु दु ।
Categorized in कासा