१० लाख ग्वाहालि जोशीया परिवारपाखे मकायेगु घोषणा
लहनान्युज | चिल्लाथ्व अष्टमी ११४१, चैत्र ८ आईतवाः
![](https://www.lahananews.com/sites/default/files/nabindra%20raj_2.jpg)
बिरामी जुया नर्भिक अस्पतालय् उपचाररत नेपाली कांग्रेसया नेता नवीन्द्रराज जोशीया परिवारं सरकार बिइ धाःगु १० लाख रुपैयाँ ग्वाहालि मकाय्गु घोषणा याःगु दु।
नेता जोशीका स्वकीय सचिव पुष्कर पाण्डेया कथं जोशीया परिवारं उगु रकम मकायेगु धका जानकारी बिःगु दु।
वःगु फागुन १४ गते मष्तिस्कघात जुया नेता जोशीयात वीर अस्पताल जुया नर्भिकय् भर्ना जुयादीगु खः।
वयकः याःगु आःतक होस वःगु मदुनि भेन्टिलेटरय् तया उपचार जुयाच्वंगु खः।
चैत ६ गते जोशीया स्वास्थ्य अवस्था बुझ्mे यायेत अस्पताल वना उपप्रधानमन्त्री ईश्वर पोखरेलं सरकारपाखे उपचारया लागि १० लाख रुपैयाँ ग्वाहालि यायेगु घोषणा यानादीगु खः ।
Categorized in राष्ट्रिय