यल महानगर–१६या ग्वसालय् स्वास्थ्य शिविर
नृपेन्द्रलाल श्रेष्ठ | पोहेलागा तृतीया ११४१, माघ १८ आइतवाः
![](https://www.lahananews.com/sites/default/files/16a%20%282%29.jpg)
यल महानगरपालिका–१६ या ग्वसालय् व अरनिको समाजया ग्वाहालिं थौं शनिवाः मंगलबजारय् निःशुल्क स्वास्थ्य शिविरय् १५०म्हे सिया उपचार याःगु दु ।
उगु शिविर प्रत्येक वापतिइ खुकः तक चले जुइ । थौंं शनिवाः नशा तथा हाडजोर्नीया उपचार जुगु दु। मेगु वाःया शनिवाः यलया बुबहालय् मुटुरोग, फागुन १ बालिफल त्वालय् मचा व छ्यगु, फागुन ८ नागबहालय् मिसा ल्वय्, १५ गते दौबहालय् प्वाः व स्येँे, २२ गते मंगलबजारय् नशा, युरोलोजी, चिनि ल्वय् जनरल सम्बन्धि चेकचा“च यायेगु धका यल १६ वडां धाःगु दु ।
शिविरय् स्वास्थ्य जा“च न्युरो मेडिसिन डा.सर्वोत्तम श्रेष्ठ, प्वा व स्येँ नाप जनरल मेडिसन डा.कृष्णगोपाल महर्जन व डा.सुशील प्रजापति, बालरोग सम्बन्धि डा.दिपक राजभण्डारी, मुधमेह डा.मनिलरत्न बज्रचार्य लगायत नाप १३ म्ह डाक्टरया टोली दु ।
यल महानगर–१६ वडाध्यक्ष निर्मलरत्न शाक्यं वडास्तरय् स्वास्थ्य सेवाय् पहु“च विस्तार यायेगु लक्ष्य कथं शिविरया ग्वसाः ग्वःयागु धका लहनान्युजयात धाःगु दु । ‘शिविरं असहाय व ज्येथा ज्यथीपिन्त ग्वहालि यायेगु कथं जुगु ’ धका वयकलं धयादीगु खः।
शिविरय् निःशुल्क वासः बिःगु खः। वडां थ्व स्वया न्ह्यन आयुर्वेदिक स्वास्थ्य शिविर सञ्चालन याये धुकुगु दु।
Categorized in राष्ट्रिय