प्रिमियर लिग फुटबलय् लेष्टर सिटीं क्रिष्टल प्यालेसयात बुकल
चौलाथ्व पुन्हि ११४१,बैसाख १४ मंगलवाः
![](https://www.lahananews.com/sites/default/files/lester.jpg)
इंग्लीश प्रिमियर लिग फुटबलय् लेष्टर सिटीं क्रिष्टल प्यालेसयात २–१गूया गोल अन्तरं बुकुगु दु ।
वंगु चान्हय् थःगु हे मैदानय् जूगु कासाय् लेष्टरयात त्याकाबिइत टिमोथी कास्टाग्ने व केलेची इहिनाचों छगू छगू गोल याःगु खः । कासाय् न्हापांग्ु गोल धाःसा प्यालेसया विल्फ्रेड जाहां याःगु खः ।
थ्व जितनापं लेष्टर सिटीं मेगु सिजनया च्याम्पियन्स लिगय् छनौट जुइगु संभावना बल्लाकुगु दु । प्रिमियर लिगय् शिर्ष छगू थासय् थ्यनिगु टोली च्याम्पियन्स लिगया नितिं छनौट जुइगु प्रावधान दु ।
३३गू कासा ६२गू ल्याः मुंकुगु लेष्टर धलःया ३गूगु थासय् दु । ४गूगु थाय्या चेल्सीया ५८गू ल्याः दु । ७७ गू ल्याः नापं म्यान्चेस्टर सिटी शिर्ष थासय् दूबलय् निगूगु थाय्या म्यान्चेस्टर युनाईटेडया ६७गू ल्याः जूगु दु ।
Categorized in कासा