येँया तारकेश्वर बाहेक मेगु थासय् बर्ड फ्लू खनेमदु
लहनान्युज | पोहेलागा अष्टमी ११४१, माघ २३ शुक्रवाः
![](https://www.lahananews.com/sites/default/files/bird_flu_nepal1_0.jpg)
येँया तारकेश्वर नगरपालिका बाहेक मेगु थासय् बर्ड फ्लूया सङ्क्रमण खने मदुगु धका पशुसेवा विभागं धाःगु दु।
थ्व स्वया न्ह्यः माघ १६ गते तारकेश्वरय् बर्ड फ्लू सङ्क्रमण खने दुगु खःसा अन झण्डै २५ सय पक्षी नष्ट याःगु खः । आःतक सङ्क्रमण खने दुगु थासय् सिल याःगु दु धका विभागं दैनिक निरीक्षण याना च्वनागु दु धका पशुसेवा विभागया प्रवक्तां धाःगु दु । सङ्क्रमण खने दयेवं अन न्हि न्हि विज्ञपिनिगु टोलीं अनुगमन याना वयाच्वंगु दु ।
नियमित रुपं अनुगमन यायेगु, शङ्कास्पद नमुना परीक्षण यायेगु व अध्ययन यायेगु ज्या जुया च्वंगु दु । सङ्क्रमण खनेदुगु फार्मय् ४२ दिं तक खा तये दये दइ मखु धका प्रवक्ता धयादीसे पीडित व्यवसायीपिन्स सरकारं २२ लाख रुपैयाँ राहत कथं बिइत्यःगु दु । पशुसेवा विभागं विज्ञ केन्द्र व नगरपालिकाय् सङ्क्रमण मजुइकेत सहकार्य याना च्वनागु दु धका धाःगु दु ।
Categorized in राष्ट्रिय