ला बांलाक्क बुकाः जक नयेत चिकित्सकतय् इनाप
शोभा श्रेष्ठ | पोहेलागा तृतीया ११४१, माघ १८ आइतवाः
![](https://www.lahananews.com/sites/default/files/bird_flu_nepal1.jpg)
नेपालय् बर्डफ्लु दुहावःगुलि ला बूका बालाक्क दयेका जक नयेत चिकित्सकपिन्स सुझाव बिःगु दु। बर्डफ्लु चखू वखूपाखे मनू तयेत सरुवा रोग जुइगुलि विशेष सतर्कता अपने यायेत धाःगु दु ।
वरिष्ठ छाती रोग विशेषज्ञं पन्छीपिन्त ला नये वलय् बर्डफ्लुया भाइरस पाखे सरे जुइगु जोखिम जुगुलि ला बालक्क बूका जक नयेत धााःगु दु । चिकित्सकपिनिगु कथं बर्डफ्लुया भाइरस ७२ डिग्री सेल्सियस तापक्रममा सीइगु अध्ययनपाखे खने दु । उकि ७२ डिग्री सेल्सियस स्वया अप्वो तापक्रमय् दयेका नयेगु यासा बालाइ धका धाःगु दु । बर्डफ्लुया संक्रमण जुलकि निमोनिया व सेँय्खः चाइगु लक्षण खनेदइ ।
चिकूया इलय् थुकिइ अझ असर जुइगुलि पन्छी व पन्छीजन्य पदार्थया सम्पर्कय् मवनेत व सूचु पिचू यायेत अप्वो ध्यान बिइत चिकित्सकपिन्स सुझाव बिःगु दु। बर्डफ्लु खा, ह्य, टर्की, झंगः लगायत पाखे थुगु सरुवा रोग सरे जुइगु खः । थ्व याकनं फैलं जुइगु व ज्यान तक काये यः। बर्डफ्लुया भाइरस लाः, पाः, न्हिइ, इ, दाना, खेँ, खेँया क्रेट, दाना तइगु बोरा लगायतया सम्पर्कपाखे सरे जुइ। येँया तारकेश्वर नगरपालिका–७ य् किसानपिन्स लहिना तःपि खा व टर्कीपयात बर्डफ्लुया संक्रमण पुष्टि जुगुलि निद्धल् खा व टर्कीयात नष्ट याःगु दु।
थ्व स्वया न्ह्यः छिमेकी देय् भारतय् बर्डफ्लु खनेदुगुलि सीमा क्षेत्रय् कडा याःगु दु। पशु सेवा विभागं भारतपाखे पन्छीजन्य वस्तुया आयातय् प्रतिबन्ध तये धुकुगु दु।
Categorized in राष्ट्रिय