स्पेनिस लिगय् बार्सिलोना विजयी
लहनान्युज | सिल्लागा नवमी ११४१, फागुन २३ आइतवाः
![](https://www.lahananews.com/sites/default/files/barcelona1.jpg)
स्पेनिस लिग फुटबलय् बार्सिलोनां ओसासुनायात २–०या गोल अन्तरं बुकुगु दु ।
वंगु चान्हय् ओसासुनाया ख्यःलय् जूगु कासाय् बार्सिलोनायात त्याकेत योर्डी अल्बा व इलाइज मोरिबां छगू छगू गोल याःगु खः ।
निगुलिं गोलय् लियोनल मेस्सीं ग्वहालि याःगु खः । कासा त्यायेधुंका निगूगु थाय्या बार्सिलोनाया २६गू कासां ५६गू ल्याः मुंकुगु दु ।
निगू कासा म्हो म्हितुगु एथ्लेटिको मड्रिड ५८ गू ल्याः नापं शीर्ष थासय् दूबलय् छगू कासा म्हो म्हितूगु रियाल मड्रिड ५३गू ल्याः नापं ३गूगु थासय् कःघागु दु ।
ला लिगा अन्तर्गत वंगु चान्हय् जूगु मेगु कासाय् रियाल भालाडोलिडं गेटाफेयात व एल्चें सेभियायात २–१गूया गोल अन्तरं बुकुगु दु ।
वंगु चान्हय्सिया कासाय् काडिजं आईबारयात १–०या गोल अन्तरं बुकुगु दु ।
Categorized in कासा