कोरोना भाइरस रोकथाम अले नियन्त्रणया नितिं १३गू जिल्लाय् निषेधाज्ञा
चौलागा पारु ११४१,बैसाख १५ बुधवाः
कोरोना भाइरस रोकथाम अले नियन्त्रणया लागिं थीथी १३ जिल्लाय् निषेधाज्ञा तःगु दु ।
मन्त्रिपरिषद्या निर्णय धुंकाm जिल्ला प्रशाशन ज्याकूतय्सं म्हिगः बहनीया अवस्था स्वयाः थीथी १३ जिल्लाय् आंशिक अले पूर्ण निषेधाज्ञा जारी याःगु खः ।
थौंतक्क १० जिल्लाय् पूर्ण अले ३ जिल्लाय् आंशिक निषेधाज्ञा जारी जूगु दु । गृह मन्त्रालयया कथं येँ, यल, ख्वप, बाँके, दाङ, कैलाली, रुपन्देही, पर्सा, कास्की व सुर्खेतय् पूर्ण निषेधाज्ञा आदेश जारी याःगु दु ।
कास्कीबाहेक मेगु ९ जिल्लान्यंक पूवंक निजी अले सार्वजनिक सवारी न्ह्याकेगुलिइ रोक तःगु दु । तर, कास्कीइ जोरबिजोर लागू याःगु दु ।
अथेहे, बर्दिया, बाग्लुङ व कालिकोटय् संक्रमणया अवस्था स्वयाः थाय् क्वःछिनाः हे आंशिक निषेधाज्ञा आदेश जारी याःगु दु ।
मन्त्रिपरिषद्या सोमबाः च्वंगु मुँज्यां सीसीएमसीया सिफारिस स्वीकृत यासें निषेधाज्ञा जारी यायेगु अधिकार जिल्ला प्रशासन ज्याकूयात ब्यूगु दु ।
व हे निर्णयया लिधंसाय् गृह मन्त्रालयं म्हिगः दक्वं जिल्ला प्रशासन ज्याकूतय्त पौ छ्वयेधुंकाः निषेधाज्ञा तःगु खः ।
Categorized in राष्ट्रिय
