‘लक्ष्मीनारायण–पुनमाया सिरपाः’ लःल्हात
लहनान्युज | सिल्लाथ्व दशमी ११३८ (जनवरी २७ २०१८)
समाजसेवी नाप उद्योगपति लक्ष्मीदास मानन्धरं थः मांअबुया नामं नीस्वनातःगु ‘लक्ष्मीनारायण–पुनमाया सिरपाः’ थौं जगत सुन्दर ब्बनेकुथिं थुगु दँय् झिगु तगिंया एसईई परीक्षाय् नेपालभाषा विषय कया ताःलापिन्त सिरपाः लः ल्हायेगु ज्याझ्वः जुगु दु ।
थुगु दँय् दकलय् अप्व ३.६ ल्याः हयेत ताःलानाः न्हाप जुम्ह येँया शान्ति निकुञ्ज मा.वि.या सचिन कारंजितयात मूपाहाँ संस्कृतिविद् शताब्दी पुरुष डा.सत्यमोहन जोशीं ‘लक्ष्मीनारायण–पुनमाया सिरपाः’ मेडल, दसिपौ नाप नीन्याद्धः तका लःल्हाःगु दु ।
सिरपाः कोषया नायः मय्जु संस्कृतिविद् प्रा.डा. चुन्दा बज्राचार्यया सभाधक्ष्यय् न्ह्याःगु उगु सिरपाः ज्याझ्वः लसकुस न्वचु जगतसुन्दर ब्वनेकुथिया प्रिन्सिपल सुनिता मानन्धरं बियादीगु खः ।
उगु ज्याझ्वलय् पाहाँ कथं येँ क्षेत्र नम्बर ८ या प्रदेशसभाया सांसद राजेश शाक्य, नेकपा माओवादी केन्द्रया नेतालिसें पूर्व राज्यमन्त्री दिलीप महर्जन, नेपाली कांग्रेसया नेतालिसें पूर्व राज्यमन्त्री तिर्थराम डंगोल मूपाहाँ शताब्दी पुरुष डा. सत्यमोहन जोशी, सिरपा त्याःकुम्ह सचिन कारंजित भाजु लक्ष्मीदास मानन्धरं सिरपाया छ्याञ्जे देवदास मानन्धर नाप शिक्षाबिद हितकरबीर सिं कंसाकार पिन्सं थःथःगु नुगः खँ तयादीगु खः ।
थुगु दँय् थीथी ब्वनेकुथिपाखें नेपालभाषा विषय कयाः १३ म्ह विद्यार्थी्पिन्सं एसईई परीक्षा उत्तीर्ण यानादीगु खः ।
“ने.सं. ११३१ स थुगु सिरपाः नीस्वंगु खः । ने.संं ११३१ स ५४ म्ह विद्यार्थी्पिन्सं एसईई परीक्षा (उगु इलय् एसएलसी खः) उत्तीर्ण याःगु खः । तर थौं वयाः थुगु दँ ने.सं. ११३७ स १३ म्ह जक विद्यार्थी्पिन्सं नेपालभाषा विषय कयाः उत्तीर्ण जुःगु खः ।
